АҚШ президентлигига Демократик партия номзоди Ҳиллари Клинтон россиялик хакерларни, Америка Демократик партия Марказқўми компьютерларига ҳужум қилганликда гумон қилаяпти, деб хабар қилмоқда  Reuters.

«Россия махсус хизматлари миллий қўмита тизимини бузганини ҳам, яна кўплаб электрон мактублар эълон қилинишини ҳам биламиз. Шунингдек, Дональд Трамп Путинни қўллаб-қувватлашини айтганидан ҳам хабаримиз бор», — деган Клинтон хоним Fox News Sunday кўрсатувида.

Бу АҚШ Демократик партияси компьютерларига учинчи маротаба хакерлик ҳужуми уюштирилишидир. Мамлакат ҳукумати, ушбу ҳодиса бўйича суриштирув ишларини бошлаб юборган.