Жанубий Кореяда Ўзбекистон фуқароси қўлга олинди

Жамият 02 Август 2016 39770

Жанубий Корея Кимчхон шаҳрида прокуратура таъқибидан қочган ўзбекистонликни қидириш ишлари 5 соат-у 40 дақиқа давом этган, деб хабар қилмоқда Ёнхап агентлиги.  

Агентликнинг хабарига кўра, Йўлдошев фамилияли шахс март ва июнь ойларида ўзбекистонлик аёлга таҳдид қилган, бироқ ўшанда унга айблов эълон қилинмаган. Полиция маҳкамаси уни топишда ёрдам берган кишига 4,5 минг АҚШ доллари миқдорида мукофот тайинлаган. 

Айни вақтда унинг қочиши билан боғлиқ ҳолатга ойдинлик киритилмоқда.  

Қочқинни қидириш ишларига полиция ва қўриқлаш хизматининг 500 нафар ходими сафарбар этилган. У, бошланғич ҳибсхонадан 3,5 км узоқликда маҳаллий фуқаро хабаридан сўнг ушланган.

Кўпроқ янгиликлар