Конго Республикаси тўланмаган 478 млн долларлик қарзи туфайли дефолт эълон қилди. Бу ҳақда Financial Times ёзмоқда.

Африкадаги мамлакатнинг ҳукумати 30 июлга қадар олинган қарзини уза олмаган ва шу боис давлат қарзини тўлай олишга лаёқатсизлиги тан олинган.

Рейтинг агентлиги Конгони дефолтга айнан нима етаклаганига ойдинлик киритмаган. Фақат мамлакат нефть экспортидан жиддий зарар кўргани маълум қилинган, холос.

2015 йилнинг сентябрь ойида Халқаро валюта фонди Конго нефтнинг тушиб кетиши оқибатида кучли зарба олганини маълум қилганди. 2014 йилда нефтдан келадиган фойда мамлакат бюджетининг 70 фоизини ташкил қилар эди.