Avstraliyaning Ipsuich shahrida keksa juftlik yashaydigan uyning orqa tomonida 8 metrli suvga to‘la chuqurlik topildi. Bu haqida ABC ma'lum qildi.
Rey va Elin Makkey 2 avgust kuni ertalab qo‘shnilarining gapidan keyin hovlidagi o‘rani ko‘rishdi. Chuqurlikning diametri kattalashib, 8 metrga yetdi, chuqurligi esa - 6 metrni tashkil qildi.
Hodisaning aniq sabablari hali o‘rganilmagan. Tadqiqotchilarning taxmin qilishicha, o‘ra kanalizatsiya tizimidagi nosozliklar natijasida paydo bo‘lgan.
Keksa juftlik vaqtinchalik mehmonxonaga ko‘chirildi. Ularning farzandi Makkey ota-onasining ruhiy holatidan tashvishda, zero ularning avvalgi uyi 2011 yilda suv toshishi natijasida vayron bo‘lgan.
