Change.org сайтида Россия бош вазири Дмитрий Медведевнинг истеъфосини талаб қилувчи петиция пайдо бўлди. У ерда «Балиқ бошдан сасийди! Вазирликларнинг суст ишлаётганига мана шу чора даво бўлар?!» деб ёзилган.

Дмитрий Медведев кеча доғистонлик ўқитувчининг педагоглар маоши ҳақида берган саволига «Маошингиз қониқтирмаса, бизнес билан шуғулланинг» қабилида жавоб берган эди. Петиция шундан кейин пайдо бўлган ва ҳозиргача 400 та овоз тўпланган.

Аввалроқ Financial Times журнали парламент сайловларидан кейин Россияда ҳукумат ўзгариши ҳақида хабар берганди. Бу маълумотни Россия президентининг матбуот котиби Дмитрий Песков «қовоқхона сиёсатчиларининг гапи» деб атаган эди.