Япониянинг йириклиги бўйича иккинчи рақамли шаҳари – Иокогама шаҳрида Пикачу покемонига бағишланган бир ҳафталик фестиваль бошланди. Фестивалнинг очилиш куни машҳур мультқаҳрамонни эслатувчи кийимларни кийиб олган юзлаб иштирокчилар шаҳар кўчалари бўйлаб юриб ўтдилар.

Маълумотларга кўра, фестиваль Японияда учинчи марта ўтказилмоқда, бироқ бу йили у Pokemon.Go компьютер ўйини сабабли янада оммалашиб кетди. Бу ўйиннинг қаҳрамонларидан бири Пикачу ҳисобланади.   

Покемонлар ҳақидаги аниме жанридаги оммавий мультсериал Японияда дунёга келган ва энди ҳукумат Пикачу фестивалини ўтказиш орқали шаҳарга кўпроқ сайёҳларни жалб қилмоқчи.