Россиянинг "ЛУКОЙЛ" компанияси Бухоро вилоятига инвестиция киритган энг йирик сармоядор бўлди. Жорий йилнинг дастлабки 6 ойига кўра, компаниянинг вилоятга киритган тўғридан-тўғри инвестициялари миқдори 639,4 млрд сўмни ташкил қилди.

2016 йилнинг икки чораги натижаларига кўра, вилоятга умумий ҳисобда 922,9 млрд сўм хорижий инвестиция киритилган. Улардан 693 млрди тўғридан-тўғри инвестициялар, 222,9 млрд сўми давлат кафолати остида олинган инвестициялар ва кредитлардир. Ўтган йилнинг шу даврида хорижий инвестицион лойиҳалар бўйича вилоятга 674,3 млрд сўм киритилган.

Бухоро вилояти бошқарув аппарати ҳудудларни комплекс ривожлантириш йиғма бошқармаси маълумотларига кўра, 2016 йилда барча инвестиция манбалари ҳисобига 2469,3 млрд сўм ўзлаштирилган. Ўтган йилнинг шу даврига нисбатан бу кўрсаткич 115,9 фоизни ташкил қилган.