Американинг Оклахома штатида темир йўл таркиби автомобилни уриб кетиши оқибатида 4 киши ҳалок бўлди, деб хабар қилмоқда маҳаллий 4029TV телеканали полиция маҳкамаси вакили Грег Расселлга асосланган ҳолда. 

Маълумотларга кўра, воқеа 7-август куни Пото шаҳрида юз берган. Машинада бўлган беш кишининг камида 3 нафари ўсмир экани айтилмоқда. Оғир жароҳатлар билан тирик қолган йўловчилардан бири шифохонага ётқизилган. 

Ҳодиса оқибатида поезд изидан чиқиб кетмаган, машинистлар ҳам жабрланмаган. 

Полиция суриштирув ишларини олиб бораяпти.