Рио-де-Жанейрода бўлиб ўтаётган Олимпиада ўйинлари кумуш медали совриндори, америкалик камончи Брейди Эллисонни ҳолливудлик актёр Леонардо ДиКаприога ўхшатишди. Спортчи ва артистнинг ўхшашлигига хусусан Cosmopolitan журнали эътибор қаратган.

«Лео ДиКаприонинг эгизаги Олимпиадада қатнашмоқда», – дейилади хабарда. «Кўринишидан Лео ДиКаприо расман олтин медаль учун курашмоқда, мен яна битта «Оскар» ҳақида сўз юритаётганим йўқ», – деб ёзади мақола муаллифи. 

Камондан ўқ узиш мусобақасида жамоасига кумуш медални олиб берган Эллисонни интернет фойдаланувчилари машҳур актёрнинг қиёфадоши сифатида муҳокама этишган.

ДиКаприонинг актёрлик маҳоратини эътиборга олган кўпчилик Эллисонни актёрнинг ўзи деб тахмин қилишган ва ДиКаприо – тарихдаги киноакадемияси ва олимпия медалини олган илк киши бўлганини айтишган. 

2016-йил бошларида ДиКаприонинг швециялик қиёфадоши модель бизнесидаги фаолиятини бошлагани хабар қилинган эди.