Тим Кукнинг Apple'даги 5 йиллик фаолияти сарҳисоби

Технология 15 Август 2016 4539

13 август куни Apple бош раҳбари Тим Кук ўз лавозимини эгаллаганига беш йил тўлиши муносабати билан The Washington Times газетаси унинг иштирокидаги катта интервьюни тақдим этди. Маълумки, 2011 йилнинг август ойи охирида Стив Жобс соғлиғи туфайли компания бошқарувини топширган. Кук интервью давомида Apple'нинг ўтмишдаги хатолари, смартфонлар бозоридаги ҳукмронлиги, ўз ҳаёт тарзи ва бироз компания янгиликлари билан бўлишди. Эътиборингизга суҳбатнинг энг диққатга сазовор лавҳаларини ҳавола этамиз.

 

Бош директор лавозими ҳақида

Кук дастлаб бош директор бўлишни истамаслигини айтган, у даромад ва харажатларни ҳисоблаб, директорлар кенгаши ва акциядорлар олдида ҳисобот топшириш ўрнига компания ходимлари, турли мамлакатлардаги мижозлари, қурилмаларни йиғадиган ишчилар ҳақида қайғуришни хуш кўради. 

"Эҳтимол, менинг қарашларим анъанага у қадар тўғри келмас. Бунинг учун мени баъзан танқид ҳам қилишади, биламан.

Бош директор лавозими ёлғиз кишиларга мўлжалланганлиги ҳақидаги гап-сўзлар ҳар томонлама тўғри. Мен ҳеч кимдан ҳамдардлик кутмайман. Менинг ишим дунёдаги энг яхши иш". 

 

Смартфонлар бозори ҳақида

Икки чоракдан буён давом этиб келаётган айфон сотувларининг пасайиб кетиши туфайли кўпчилик таҳлилчилар Apple'га қарши гапира бошлашди - компания даромадининг учдан икки қисми айнан айфонлар сотувидан тушмоқда. Бироқ уларга бўлган қизиқиш пасая бошлади. 

Кукнинг фикрича, смартфонлар Apple учун энг мақбул бозорлигича қолмоқда, зеро компьютерлар ва телевизорлар кичик миқдорда сотилмоқда: уларни бир неча киши бир бўлиб ишлатиши мумкин, смартфон эса ҳар бир инсонга керак. Бундан ташқари Кукнинг сўзларига кўра, инсон келгусида смартфонга янада кўп боғланиб қолади. 

"Сунъий интеллект бу маҳсулотнинг аҳамиятини янада кучайтиради. Смартфон бугунга нисбатан яхшироқ ёрдамчига айланади. Бугунги кунда смартфонсиз уйдан чиқмасангиз-да, келажакда сиз унга буткул боғланиб қоласиз.

Ишлаб чиқариш даражаси шиддат билан юқорига кўтарилади ва смартфонларнинг ўрнини ҳеч нима боса олмай қолади. 

Тушунаман, 90 кунлик даврларга эътибор берувчи кишилар "Вой Худойим, смартфонлар саноати 1 фоизга кўтарилибди ёки 6 фоизга тушибди", дейишади. Ўзингиз яхши биласиз, дунё иқтисодиёти ҳозир осон даврни бошдан ўтказмаяпти. Агар сиз узоқ муддатни кўзлаб қарасангиз, смартфон бозори - Ер юзидаги энг яхши бозор эканлигини кўрасиз".

 

Apple'га медианинг таъсири ҳақида

Кук бош директор бўлган йил ижтимоий тармоқларнинг таъсири янада ортди. Apple'нинг мухлислари ва рақиблари компания ҳақида фикрларини билдира бошлашди, бу оммавий ахборот воситалари назаридан четда қолмади, албатта. Бунинг натижасида эса компания янада кўзга ташлана бошлади. 

Кук бош директор курсисига ўтирганида Жобснинг ўлимидан кейин матбуотнинг компанияга бўлган қизиқиши сусаяди, деб ўйлаган, бироқ бундай бўлмади. 

"Инсон янада кучли бўлади - 2011 йилнинг августидан ҳаттоки терим ҳам қалинлашди. Бу гапни ёмон маънода айтмадим: бу менинг қўполлашганим ёки бепарволигимни билдирмайди. Шунчаки кўп нарсаларни яхши фарқлай бошладим". 

 

Ўтмишдаги хатолар ҳақида

Ўз лавозимида қандай хатоларга йўл қўйгани ҳақидаги саволга Кук иккита хатоси - Apple хариталарининг йўлга қўйилиши ва улгуржи савдо бўлимини бошқариш учун  Жона Броуветни танлаганини тилга олди.

Тим Кук 2012 йилдаёқ Apple карталарининг паст сифати учун узр сўраган: муваффақиятсиз маҳсулот iOS учун масъул шахс - Скотт Форсталлнинг истеъфосига сабаб бўлган. 2013 йилнинг ноябрь ойида Кук Burberry'нинг бош директори Анжела Арендтсни улгуржи савдони ривожлантириш мақсадида ишга олади. 

"Катта компанияларнинг одатий хатоси - ўз айбларини тан олмаслик. Уларнинг ғурури айб иш қилганликларини тан олишга йўл қўймайди. Менинг фикримча, буни қанчалик тез тан олсанг, шунчалик яхши. Виждонинг олдида тоза бўлсанг, одамлар сенга яна бир имконият беришади. Агар бошингни қумга тиқиб, хато қилишда давом этаверсанг, ўйлашимча, ходимларингни ва мижозларингни йўқотасан". 

 

Рақобат ҳақида

Facebook, Google ва Amazon'нинг сунъий интеллект технологиялари билан рақобат тўғрисидаги саволга жавоб беришни Тим Кук изоҳлардан бошлади. У Apple ҳозирда қувиб етувчи позициясида, деб ҳисобламайди. 

"Биз Siri'ни 2011 йилдан бери ишлаб чиқарамиз ва Siri доим сен билан. Сен қиладиган ишларинг рўйхати ҳақида фақатгина ошхонада пайтингда эсламайсан".

Кук сунъий интеллектнинг бошқа жойларда қўлланишини айтиб ўтди: масалан, клавиатураларни босганда сўзларнинг пайдо бўлиши, суратларда кишилар юзини аниқлаш, машина қаерда тўхтаганига доир эслатма. 

Apple раҳбари журналистнинг компания автомобили лойиҳаси атрофидаги гап-сўзлар ҳақидаги саволни бошқа томонга буриб юборди (бу билан бундай лойиҳанинг мавжудлигини тасдиқлади ҳисоб), лекин Apple тўлдирилган реаллик технологияси қўлланган маҳсулот устида фаол иш олиб бораётгани тўғрисида сўзлаб берди. 

"Мен эълон қилинмаган нарсалар ҳақидаги саволларга жавоб бера олмайман. Бизнинг фикримизча, одамлар кутилмаган совғаларни яхши кўришади. Бугунги кунда уларнинг сони кўп эмас". 

Кун янгиликлари
China shashlik - тансиқ, бетакрор ва асосийси, ҳамёнбоп таомлар энди Чилонзорда!
21:29 / 26.07.2017 16013 Жамият
Ўқитувчилар мажбурий меҳнатга жалб этилиши факт. Барча сукут сақламоқда
21:00 / 26.07.2017 86535 Ўзбекистон
Оққон билан оғриган 5 ёшли бола тезкор ёрдамга муҳтож
17:52 / 24.07.2017 39609 Жамият
Хайрия акцияси: 12 яшар Жамшиджон саховатпеша инсонлар кўмагига муҳтож
23:37 / 11.07.2017 107513 Жамият
Европа Лигаси, 3-саралаш босқичи. "Милан", "Зенит" ва "Краснодар" ғалаба қозонди
02:19 191 Спорт
Хосеп Бартомеу: «Барселона» академиясидан «янги месси ва хавилар» чиқмаётганига уларнинг ўзлари айбдор»
00:49 684 Спорт
Ўзбекистоннинг Doing business рейтингидаги ўрнини яхшилаш учун комиссия тузилади
58 мисрлик полицияга ҳужум қилганлик учун умрбод қамоқ жазосига тортилди
23:25 / 27.07.2017 674 Жаҳон
Ўзбекистон халқ артисти Ҳусан Шарипов 80 ёшда!
23:24 / 27.07.2017 274 Маданият
Wikileaks МРБнинг кибержосуслик воситалари ҳақидаги махфий ҳужжатларни чоп этди
23:21 / 27.07.2017 1569 Жаҳон
Кўпроқ янгиликлар