Юнон-рум курашчилари Ўзбекистон делегацияси ҳисобига яна бир медални келтирди. Энг енгил вазн тоифасида (59 кг.) баҳсларда иштирок этган Элмурод Тасмурадов бронза медалини қўлга киритди. 

У учинчи ўрин учун беллашувда қирғизистонлик Арсен Эралиевга қарши гиламга чиқди. Дастлабки бўлимда Тасмуратов 5-0 ҳисобида олдинга чиқиб олди. Иккинчи бўлим бошидаги бироз эътиборсизлик туфайли қўшни юрт спортчиси иккита услуб орқали 6 очко ишлади. 

Шундан сўнг Элмурод фаол курашишга ҳаракат қилди. Рақибнинг пассивлиги эвазига иккита огоҳлантириш туфайли ҳисоб тенглашди — 6:6. Ҳакам эса ўзбек курашчисини партерда юқорига қўйди ва Тасмурадовдан ундан самарали фойдаланиб 4 балл ишлади. Баҳс сўнгида рақибнинг хатосидан фойдаланган Тасмурадов яна 2 очко ишлади. Қирғизистонликлар аппеляция беришди, аммо унда ютқазишди. Натижада яна бир балл ўзбекистонлик атлет ҳисобига ёзилди — 13:6.

Ўзбекистон делегациясидаги умумий медаллар сони 5тага етди. Бу тўртинчи бронза медали бўлди. Аввалроқ Ҳасанбой Дўсматов олтин медалга сазовор бўлганди.

Шунингдек, Ўзбекистон терма жамоаси битта олимпиадада бронза олиш бўйича рекордини янгилади.