Японияда сўнгги ҳафта ичида 5,5 мингдан зиёд киши қуёш уриши оқибатида шифохоналарга ётқизилган. Бу ҳақда мамлакат ёнғин хавфсизлиги бошқармаси, худди шу вазифани бажарувчи ФВВ ва тез ёрдам хизматлари маълум қилган.

Кўрсатилган ҳисоботда 8 августдан 14 августга қадар бўлган даврда Японияда иссиқ об-ҳаво бироз чекинган, шу боис шифохоналарга ётқизилган беморлар сони ҳам камайган. Бундан ташқари, ўтган ҳафтада иссиқ уриши оқибатида ҳалок бўлган бирорта ҳам ҳолат қайд этилмаган. Ундан олдинги ҳафтада эса 12 киши иссиқ уришидан ҳалок бўлган эди. Уларнинг аксари ёши катта кишилар бўлган.

Японияда жазирама ҳаво июнь ўрталарида қайд этилган эди. Ёмғирлар мавсуми тугаган бўлсада, мамлакатда ёғинли ҳаво давом этмоқда. Бу эса иссиқ ҳаво билан қўшилиб, намлик даражасини ошиб кетишига хизмат қилмоқда.