Бухорода «Мунозара» ўйинларига старт берилди

Жамият 16 Август 2016 4164

Жорий йилнинг 15-18 август кунлари Бухоро вилоятида «Камолот» ёшлар ижтимоий ҳаракатининг ҳудудий Кенгашлари қошидаги «Мунозара» тўгараклари жамоалари ўртасида III республика турнири ўтказилмоқда. Турнирда, Тошкент ва Бухоро вилоятидан иккитатадан жамоа, Қорақалпоғистон Республикаси ва вилоятлардан биттадан жамоа иштирок этмоқда.

«Мунозара» тўгараклари фаолиятини йўлга қўйишдан мақсад — мамлакатимизда мустақил фикрлайдиган ёшларни тарбиялаш, уларда тизимли таҳлил қилиш, мантиқий фикрлаш ва моҳирона мунозара олиб бориш қобилиятларини ривожлантириш, ўқувчи-талабаларда ватанпарварлик ва фаол фуқаролик позициясини шакллантириш, уларга ўртага қўйилган муаммога холис ёндаша олиш, ўз фикрларини асослаш ва аниқ баён қилиш малакаларини шакллантиришда кўмак бериш ҳамда тўғри йўналтиришдан иборат.

Бугунги кунда жойларда «Мунозара» тўгаракларига жалб қилинган 4000 нафардан ортиқ ўқувчи ва талабалар ўртасида “Эрта никоҳнинг салбий оқибатлари”, “Китоб — тафаккур хазинаси”, “Ёшлар ва интернет”, “Оммавий маданият — милий маданиятнинг кушандаси”, “Ижтимоий тармоқлар фойдадан кўра кўпроқ зарарли”, “Оммавий маданиятнинг жамиятга таъсири”, «Компьютер ўйинларининг ёшлар маънавий онгига салбий таъсири» каби бир қатор мавзуларда мунтазам машғулотлар олиб борилмоқда.

Иштирокчилари тадбирнинг биринчи кунида Бухоро вилояти темир йўл вокзалидан тантанали кутиб олинди ҳамда Бухоро шаҳрида Ўзбекистон Республикаси президенти И. Каримов ташаббуси билан ташкил этилган «Кўҳна ва боқий Бухоро» маданий маркази ва Бухоро шаҳрининг тарихий масканларига саёҳат уюштирилди.

Куннинг иккинчи қисмида турнирнинг очилиш маросими ва иштирокчи жамоалар учун тажрибали мураббий ва республика мусобақалари ғолиблари томонидан намунавий «Мунозара» ўйини ўтказилди. Шунингдек, жамоалар ўртасида қуръа ташлаш маросими бўлиб ўтди.

16-17 август кунлари жамоалар «Кинофильмлардан кўра спектакллар фойдали», «Миллийлик замонавийликдан афзал», «Инсон камолотида ижтимоий муҳит муҳим» мавзуларида саралаш баҳсларида иштирок этадилар.

«Мунозара»да иккита: «Тасдиқ» ва «Инкор» жамоалари ўз позициялари бўйича мавзу юзасидан аниқ факт ва далилларни, аргументларни келтирган ҳолатда ўз фикрларининг ҳақли эканлигини асослаб бериши керак. Ҳар бир жамоа уч нафар спикердан иборат бўлиб, бир спикерга олти дақиқа, икки ва уч спикерларга беш дақиқадан вақт берилади. Ҳакамлар ўйин якунида Низом асосида жамоаларни баҳолайдилар.

 

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 34663 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 73117 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 10765 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 137649 Жамият
Шавкат Мирзиёев: «Пастга тушиб, одамларнинг дарди билан яшаш — яккаю ягона ва энг улкан мақсадимиздир»
А серия. «Наполи» ҳам ишончли ғалаба билан старт олди
03:03 594 Спорт
Гулистон туманидаги намунали уйларнинг намунасиз кўчалари. Мутасаддилар бунга нима дейди?
02:35 2267 Жамият
Виталий Денисов футболга қайтганидан хурсанд
02:29 1341 Спорт
«Агробанк» ҳақми ёки биолаборатория? Зарбдордаги чигал муаммони ким ҳал қилади?
02:25 1669 Жамият
«Ўзбекистонда болалар кейинги 5 йил мобайнида боғчага 100 фоиз жалб қилинади» — Президент
Кўпроқ янгиликлар