АҚШнинг Калифорния штатидаги Лоуэр-Лейк шаҳрида юз берган ёнғин сабаб 175га яқин уй йўқ бўлди. Бу ҳақда штат ўрмонларни ёнғиндан ҳимоя қилиш бошқармасининг расмий вакили Дениел Берлант маълум қилган.

Унинг айтишича, воқеа жойида мутахассислар гуруҳи ишламоқда.

Маълум қилинишича, ёнғинни ўчиришга ўт ўчириш хизматининг 1,6 минг ходими жалб қилинган.

Калифорния бошқарув маъмуриятининг фикрича, ёнғинга сабаб қасддан ўт қўйишдир. Бу ишни қилган жиноятчи ҳам қўлга олинган. Бу ҳақда бошқарма ҳисоботида келтириб ўтилган.

Қўлга олинган жиноятчининг исми Демин Энтони Пашилк бўлиб, у Клирлейк шаҳрида (Калифорния штати) яшаган.