Туркиянинг Turkish Airlines авиакомпанияси саккизта ҳаво лайнерини  Истанбул ва Анқаранинг давлат тўнтаришига қарши курашда асосий ўрин тутган туманлари номи билан атади, деб ёзмоқда Hurriyet нашри.

Компания баёнотига кўра, "15-июль кунги хоинона давлат тўнтаришига уриниш чоғида мамлакат бирлигини сақлаб қолиш учун кўрсатилган шижоатни эътироф этиш мақсадида" шундай қарорга келинган.

Авиакомпаниянинг учта самолёти Анқаранинг Бештепа, Казан ва Кўлбоши туманлари шарафига номланган. Яна бешта самолётга Истанбулнинг Сарачхона,  Ченгелкўй, Каважик, Ажибадем ва Атишалани туманлари номи берилади. 

Эслатиб ўтамиз, 16-июлга ўтар кечаси бир гуруҳ ҳарбий исёнчилар Туркиянинг қонуний ҳукуматини ағдариш мақсадида давлат тўнтаришини амалга оширишга уринишган эди.