Uzoq Sharqdagi yong‘inlar 270 gektar o‘rmonni qamradi

Rossiyaning Uzoq Sharq o‘rmon xizmatlari o‘tgan bir sutkada 6ta o‘rmon yong‘iniga qarshi kurash olib borishgan, shundan bittasi to‘liq bartaraf etilgan, deb xabar qilmoqda «Interfaks» agentligi. 

Qayd etilishicha, bir kecha-kunduzda yong‘in tufayli 269 gektar maydondagi o‘rmon yonib ketgan. 

Alangaga qarshi 70 kishi qarshi kurashgan, beshta texnika va bitta havo kemasi yordamidan foydalanilgan. 

Umuman, yong‘in xavfi yuqori mavsum boshlanganidan beri Uzoq Sharqda 635 ming gektar o‘rmon hududida 1,148 marta yong‘in yuz bergan.