ЙТҲлар сонини камайтириш учун пиёдаларга ҳам жарима солинади

Жамият 17 Август 2016 7513

Ўзбекистонда ҳуқуқий жамиятни барпо этиш, фуқароларнинг ҳуқуқий маданиятини ошириш йўлида тинимсиз изланиш ва ислоҳотлар олиб борилмоқда. Уларнинг ҳуқуқ ва эркинликларини таъминлаш баробарида мажбуриятлари хусусида ҳам қатор қонун ҳужжатлари қабул қилинаяпти. Шу йилнинг 1-мартидан бошлаб амалиётга татбиқ этилган, Республика йўл ҳаракати қоидаларининг янги таҳрири ҳам шулар жумласидандир.  

Олий Мажлис Сенатининг навбатдаги сессияси эътиборига киритилаётган қонун лойиҳалардан бири, юқоридаги қоидалардан келиб чиққан ҳолда, фуқароларнинг маъмурий жавобгарлигига оид Қонунлар тўпламига ўзгартишлар киритишни назарда тутади. 

Олий Мажлис Қонунчилик палатаси депутати Алия Юнусова Олий Мажлис Сенатининг VI сессияси муҳокамасига киритилаётган қонун ҳужжатларига берган шарҳи Норма.уз сайтида эълон қилинган. 

Шундай қилиб, Олий Мажлис Сенати VI сессияси муҳокамасига киритилаётган ҳужжатлардан бири Қонунчилик палатасида тасдиқланган «Ўзбекистон Республикаси маъмурий жавобгарлик Кодексига ўзгартиш ва қўшимчалар киритиш тўғрисида»ги қонун лойиҳасидир.
 
Маълумки, Вазирлар Маҳкамасининг «Йўл ҳаракати хавфсизлиги тўғрисида»ги қарори билан янги таҳрирдаги йўл ҳаракати қоидалари тасдиқланди. 

Унга кўра:
 
-мототранспорт воситаларини бошқариб бораётган шахс махсус бош кийимида бўлиши шарт;
 
- тун вақтида транспорт воситасини тузатиш учун машинадан тушувчи ҳайдовчи ёруғлик қайтаргичли нимчада бўлиши керак;
 
- йўлнинг қатнов қисмини кесиб ўтаётган пиёда, ўз диққатини чалғитиши мумкин бўлган телефондан фойдаланиши, мутоалаа қилиши, радио ёки аудиомаҳсулотларни тинглаши, бошқа турдаги электрон воситалардан фойдаланиши тақиқланади.
 
Таҳлилларнинг кўрсатишича, йўл-транспорт ҳодисаларининг 54 фоизи пиёдалар иштирокида содир бўлади. Бунинг асосий сабаблари – пиёдаларнинг йўл белгилари, чизиқларининг талабига бўйсунмаслиги, рухсат берилмаган қатнов қисмидан кесиб ўтишлари, эътиборсизлик ва хавфсизлик чораларига диққат қилмасликлари ҳисобланади. 2014-йилда транспорт воситаларининг пиёдаларни уриб кетиши билан боғлиқ 506та ҳодисада қонунбузарлик пиёда томонидан содир этилгани бўйича хулоса қилинган. Уларда 100дан ортиқ киши ҳаётдан кўз юмган, 431 нафар инсон жабрланган. 2015-йилда ҳам шунга ўхшаш ҳолатни кузатиш мумкин. Фуқаролар орасида ҳуқуқий маданиятни юксалтириш чоралари кўрилаётган бугунги кунда, «автомобиль ҳайдовчиси ҳар доим ноҳақ, деган тушунчага барҳам бериш вақти келди». Ахир, ҳар ким ўз қилмишига яраша жазо олишини таъминлаш, ҳуқуқий давлатнинг асосий жиҳатларидан бири экани кундек равшан. 
 
Олиб борилган кузатишлар шуни кўрсатмоқдаки, фуқаролар, айниқса, ёш авлоднинг йўлда юрган вақтларида телефон, компьютер, аудио-видео техника воситаларидан фойдаланиши йўл ҳаракати, инсон ҳаёти ва соғлиғига хавф солувчи оддий ҳолга айланиб бормоқда.
 
Парламентнинг Қуйи палатаси депутатларидан бир гуруҳи янги таҳрирдаги йўл ҳаракати қоидаларини эътиборга олган ҳолда, «Ўзбекистон Республикаси Маъмурий жавобгарлик Кодексига ўзгартиш ва қўшимчалар киритиш тўғрисида»ги қонун лойиҳасини ишлаб чиқишган. 

Унга мувофиқ, янги таҳрирдаги йўл ҳаракати қоидалари талабларига бўйсинмаган йўл ҳаракатининг ҳар қандай иштирокчисига маъмурий жазо тайинлаш орқали таъсир кўрсатиш чораларини қўллаш белгиланган. Эндиликда, пиёдаларга ҳам ўз мажбуриятларини бажармаганликлари учун маъмурий жазо тайинланиши мумкин бўлади. 
 
Бундай меъёрларнинг амалиётга татбиқ этилиши, йўл ҳаракати иштирокчиларининг масъулиятини ошириш, йўллардаги қоидабузарликларнинг олдини олишга хизмат қилиши баробарида ЙТҲларининг сони ва жиддийлигини кескин камайтиришга имкон беради.

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 53520 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 69090 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 36429 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 20935 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 79412 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61353 Жамият
Терракота армияси яратилиши сири очилди
22:33 89 Жаҳон
НАСА АҚШни Йеллоустон супервулқонидан ҳимоя қилиш йўлини ўйлаб топди
22:22 422 Жаҳон
Бекободда сайёр қабул: ўн мингга яқин мурожаат жойида кўриб чиқилди
22:01 403 Жамият
Қувасой шаҳрида “Набирамга бир китоб” хайрия акцияси бўлиб ўтди
21:58 206 Жамият
Кўпроқ янгиликлар