2016 йилнинг 17 август куни Ўзбекистон Республикаси Ташқи ишлар вазири Абдулазиз Комилов Франция Республикасининг фавқулодда ва мухтор элчиси Жак-Анри Элсни қабул қилди.

Суҳбат чоғида сиёсий, савдо-иқтисодий, маданий-гуманитар ва бошқа соҳалардаги икки томонлама ҳамкорликнинг долзарб масалалари муҳокама қилинди.

Учрашувда турли даража Ўзбекистон-Франция мулоқотларининг конструктивлиги ва очиқлиги қайд этилди, шу жумладан мунтазам парламентлараро алмашинувлар ҳамда икки давлат ТИВ делегациялари ўртасидаги маслаҳатлашувлар доираларида.

Дипломатик миссиясини якунлаётгани сабабли элчига Ўзбекистон ва Франция ўртасидаги муносабатларни янада ривожлантиришдаги шахсий ҳиссаси учун миннатдорчилик билдирилди.