NASA Марсга уча оладиган роботнинг виртаул моделини яратиш бўйича танлов эълон қилди. Энг яхши лойиҳа муаллифи бир миллион доллар олади, деб хабар бермоқда агентликнинг расмий сайтига иқтибос келтирган ҳолда РИА “Новости” ахборот агентлиги. 
      
"Алоқанинг ушланиши шароитида ишлай оладиган аниқ ва самарали роботехника Марсга космик парвозлар ва экспедицияларда қўлланиши мумкин. Вазифа шундан иборатки, робот фазогирлар учун ҳаётий аҳамиятга эга бўлган хавфли ва мураккаб топшириқларни бажариши керак", дейилмоқда хабарда.
 
Яратилган роботлар бир қатор вазифаларни уддалай олиши керак, танлов иштирокчилари Ердаги лаборатория шароитларида тегишли функцияларни синовдан ўтказадилар. Бундан ташқари, робот коинот кемасидаги носозликлар ва фавқулодда вазиятларда ишлай олиши керак.
 
Янги робот аввал яратилган машиналарни очиқ коинот шароитидаги паст даражали ҳароратлар ва сайёралар сиртидаги жуда ноқулай шароитларда ишлатиб бўлмаслиги сабабли зарурдир. Шунинг учун олимлар гидравлика ўрнига эластиклик принципидан фойдаланишни тавсия қилишмоқда.

Танловга рўйхатга олиш 16 августда бошланди. Финалчиларни декабрда танлаб олиш режалаштирилган, 2017 йил охирида эса ғолиб номи эълон қилинади.