Podmoskovedagi yo‘l-patrul xizmati postiga uyushtirilgan hujum oqibatida bir politsiyachi halok bo‘lgan. TASS nashrining huquq-tartibot organlaridagi manbasi xabariga ko‘ra, Balashixeda shimoliy kavkazlik jangarilar hujumi amalga oshirilgan. Hujum oqibatida yana 1 politsiyachi jarohatlangan.
Aniqlik kiritilishicha, 2 nafar qurollangan shaxs hujum boshlagan. Ular o‘qotar qurol hamda boltadan foydalanishgan.
Hujum qiluvchilarning ikkisi ham otib yo‘q qilingan.
Ayni vaqtda hodisa tafsilotlari o‘rganilmoqda.
Eslatib o‘tamiz, bugun Rossiyaning Sankt-Peterburg shahrida Shimoliy Kavkazdagi jangari guruh a'zolariga qarshi yirik amaliyot o‘tkazildi. Amaliyot vaqtida qurolli qarshilik ko‘rsatgan 4 jangari yo‘q qilindi.