Европа олимпия қўмитаси (ЕОК) раҳбари ва Ирландия Миллий олимпия қўмитаси раҳбари ҳисобланадиган Патрик Хикки Рио-де-Жанейро шаҳрида ҳибсга олинган. У Олимпиада ўйинлари учун ноқонуний равишда чипталар сотишда гумон қилинмоқда. Бу ҳақда ВВС хабар берди.

Қайд этилишича, 71 ёшли Хикки чипталарни воситачиларга қимматроқ нархда сотишда гумон қилинаяпти. Хикки Бразилия полициячилари 800та ноқонуний чипта билан қўлга тушган шахсни сўроқ қилишганидан кейин ҳибсга олинган.

Қайд этилишича, ЕОҚ раҳбари полициячилардан яширинишга уринган, у ҳибсга олингач, ўзини ёмон ҳис қила бошлаган ва шифохонага олиб борилган.