Россиядаги Шарқшунослик, халқаро алоқалар ва жамоатчилик дипломатияси маркази директори ва турколог Владимир Аватков, Гулен омилини (факторини) Россия ва Марказий Осиё учун ҳам хавфли ҳисобланишини айтди

“Ҳақикатан ҳам Гуленга тегишли бўлган ташкилотлар собиқ иттифоқ ҳудудида анча таъсирли фаолият кўрсатмоқда. Гулен омили мазкур минтақада салбий омиллардан бири бўлишда давом этмоқда. Кўпчилик экспертларнинг бу борадаги хавотирлари Туркия давлати ва турк халқидан эмас балки Гулен омили туфайли пайдо бўлаётган эди. Туркияда ҳам жуда кучли бўлган ушбу тузилма таълим, ички ишлар, ҳарбий ва хавфсизлик тизимларида мустаҳкам кучга эга ҳисобланган. Гулен омили Россия учун ҳам хавфлидир. Шунинг учун ҳам Туркияда мазкур тузилмага қарши олиб борилаётган ишларни қўллаб-қувватлаш керак”, - деди Спутникка берган интервьюсида Аватков.

Мактаб битирувчилари АҚШ манфаатларига хизмат қилмоқда

“Собиқ иттифоқ ҳудудида, жумладан, Марказий Осиё мамлакатларида фаолият кўрсатган ва Гуленга тегишли мактабларнинг битирувчилари Россияда ҳам бор. Муаммо ҳам шунда. Россия ва Марказий Осиё мамлакатлари ўртасидаги ҳамкорлик ва муносабатларни эътиборга оладиган бўлсак, ушбу омил Россия хавфсизлигига путур етказади. Чунки бу каби мактабларнинг битирувчилари билиб ёки билмаган ҳолда Гуленга тегишли эканлиги айтилаётган тузилмаларнинг манфаатларига хизмат қилмоқда. Шу билан бирга улар АҚШ манфаатларига ҳам ишлашмоқда. Ушбу мактаб битирувчиларини ўзлари яшаётган мамлакат манфаатлари асло қизиқтирмайди. Хавф ҳам айнан шу ерда”, дея давом этди россиялик эксперт Аватков.