Сабрдан сабоқ ёхуд абитуриент тест жавобини яна қанча кутиши керак?

Жамият 17 Август 2016 50954

Ҳаётда инсон интиқиб кутадиган лаҳзалар, муддатлар ва ёки саналар бўлади. Чунки айнан мана шу вақтларда унинг ҳаётида катта ўзгариш бўлиши мумкин бўлган воқеалар яшириниб ётади. Хоҳ у яхшиликка бўлсин, хоҳ ёмонликка одам боласи барибир ўша муддатни кутиб яшайди. Айниқса, абитуриентлар...

Сарлавҳадан ва мақоламизнинг кириш қисмидан гап мавзуси айнан нима ҳақида кетиши кундек равшанлашди. Олди-қочди, айлантирма гапларга изоҳ йўқ. Фақат айни дамда учраётган манзараларга бироз назар солишга изн бергайсиз.

Маълумки, Ўзбекистон олий ўқув юртларига ҳужжат топширган абитурентлар 1 август куни анъанавий тарзда давлат имтиҳонларидан ўтишади. Сўнгра “оммавий гап”ни эшитишади – “Жавоблар 10 кундан кейин эълон қилинади”. Лекин ҳар йили мана шу “10 кун” номаълум муддатларга чўзилади.

Натижада:

1. Чекка вилоятдан жавобни эшитиш учун пойтахтга келганларнинг “тарвузи қўлтиғидан тушади”. Шу кундан эътиборан “расход”лар бошланади.
2. СМС-хабарнома дейсизми? Олий ўқув юрти биноси олдида чиқариб қўйилган рўйхатда ўз ДТМ рақамини қайта-қайта текширадиган абитуриентнинг замонавий бундай усуллардан фойдаланиши даргумон. (Шахсан ўзим жавоби СМС орқали келган қариндош абитуриентларнинг ўқишга кирган-кирмаганини айнан мана шундай эълонлардан текширганман).
3. Энг асосийи, нега жавоблар эълон қилиниши бунчалик тарозига солинади, деган савол очиқ қолади.

Бунда нима сир ётади, бу инсон ақли англай олмайдиган ҳолатми ёки биз билмаган бошқа гаплар борми?

Мустақиллигимизнинг 25 йиллик байрами олдидан дийдиё қилишни истамаган эдим, бўлмади. Барака топкур, амалдор, илтимос, ёдингиздан чиқарманг, Ўзбекистонда олиб борилаётган ислоҳотларнинг барчаси ИНСОН манфаати учун. Инсон шахсияти барча нарсадан устун!

Абитуриентларга эса боболарим ўгитидан бир чимдим эслатма қилмоқчиман: “Сабрнинг таги сариқ олтин”.

Сарвар Анвар ўғли

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 47677 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 64248 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 34870 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 19874 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 75591 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 60414 Жамият
Франция Трампнинг Афғонистон бўйича қарорини қўллаб-қувватлади
18:56 14 Жаҳон
Ўзбекистонда ўзиучар қурилмалардан фойдаланиш корхонаси ташкил этилади
Ҳамза Жумаев телевидениега қайтди
18:38 2332 Жамият
АҚШ миллий разведкаси собиқ раҳбари: Трампнинг Финиксдаги чиқиши кишини қўрқитмоқда
18:33 789 Жаҳон
Кўпроқ янгиликлар