Россиянинг Ямал аҳоли пунктида 7 ёшли бола шарли яшин уришидан ҳалок бўлди, деб хабар қилинмоқда Россия Тергов Қўмитасининг Ямал-Ненец мухтор округи бўйича Тергов бошқармасида. 

Терговчиларнинг сўзларига кўра, фожиа 17-август куни Приуральский тумани Няяруй-Саля қўрғонида содир бўлган.

Қайд этилишича, чодирга кириб келган шарли чақмоқ унинг ичида портлаган. Натижада 7 яшар ўғил бола ҳалок бўлган. 

Чодир ичидаги 12 ва 16 ёшли қизлар иккинчи ва учинчи даражали куйиш билан жабрланган. Улар Салехард округ шифохонасига келтирилган. Айни ҳолат бўйича терговолди суриштирув ишлари олиб борилмоқда.