Ҳиндистон пойтахти Янги Деҳлидаги новвойхоналардан бирида юз берган портлашда камида 3 киши ҳалок бўлган, икки нафар одам жабрланган. Бу ҳақда, Синьхуа агентлиги хабар қилган.

Маълумотларга кўра, новвойхона пойтахтнинг шарқий қисмида жойлашган бўлган. Қурбонлар ушбу муассаса ходимлари экани таъкидланган бўлса-да, мижозлар орасида зарарланганлар бор ёки йўқлигига ойдинлик киритилмаган. 

Портлашдан сўнг, воқеа жойига ўт ўчирувчилар бўлинмаси етиб келгани айтилмоқда. Жабрланганлар шифохонада тиббий ёрдам кўрсатилмоқда. Мазкур ҳодиса бўйича тергов ишлари бошлаб юборилган.