Туркия полицияси мамлакатнинг Ван шаҳрида амалга оширилган терактни ташкиллаштиришда гумон қилиб, бир кишини қўлга олди. Ўша терактда уч киши ҳалок бўлган эди. Бу ҳақда Anadolu агентлиги хабар бермоқда.

Маълум қилинишича, қидирув ишларида вертолёт ва зирҳли машиналар иштирок этган. Портлаш ташкилотчиси қўлга олинганида оғир ярадор бўлган. Айни дамда уни полиция участкасига етказишган.

Туркия ҳукумати ушбу ҳужумни теракт деб баҳолаган. Сўнгги маълумотларга кўра, полиция участкаси ёнида портлатилган автомобиль натижасида уч киши ҳалок бўлган, 40 киши яраланган. Ҳукумат бу ишни Курдистон ишчи партияси амалга оширган, дея маълум қилган.