Хорижлик муҳожирлар РФда ишлаш ҳуқуқини берувчи патент олиш мақсадида Россия субьектлари бюджетига йил бошидан бери 21 миллиард рублга яқин маблағ ўтказишган. Бу ўтган йилги кўрсаткичдан қарийб икки баробар кўп демакдир, деб маълум қилган Россия ИИВ муҳожирлик масалалари бўйича Бош бошқарма раҳбари Ольга Кириллова.

Унинг сўзларига кўра, бундай кўрсаткичга меҳнат муҳожирларини квоталаш тизимини патентлаш хизматига алмаштириш туфайли эришилган. 

"Муҳожирликни маъмурий бошқариш усулидан иқтисодий назорат қилиш усулига ўтиш ўзини тўлиқ оқлади. Шу билан бирга, Россияда қонуний ишламоқчи бўлган хорижий фуқароларнинг ишга жойлашиши анча осон бўлди", — дея ҳикоя қилган  Кириллова вазирликнинг "Щит и меч" газетасига берган интервьюсида.

"Ҳудудий органлар 46 миллиондан ортиқ турли хил мурожаатни кўриб чиқишган. Улар орасида энг оммабоплари россияликларни ва хорижий давлатлардан келган муҳожирларни рўйхатга олиш бўлди. Бундан ташқари, 3 млндан ортиқ ички паспортлар тайёрланган, шундан 400 мингга яқини Москва ва Москва вилоятига тўғри келади", — деган Кириллова.