Туркия шарқидаги Элязиг вилояти марказида полиция маҳкамасида портлаш амалга оширилди. Бу ҳақда  Hurriyet хабар тарқатган.

Охирги маълумотларга кўра, бу теракт оқибатида 3 киши ҳалок бўлиб, жароҳатланганлар сони 50 нафардан ошган.

Ҳозирда ҳудудга тез тиббий ёрдам машиналари етиб борган, ҳодиса тафсилотлари ўрганилмоқда.

Бундан олдинроқ Туркия шарқидаги Ван вилояти ҳудудида юз берган портлашда уч киши ҳалок бўлиб, 71 киши яралангани хабар қилинганди.