Буюк Британия ҳуқуқ-тартибот қонунчилигининг мустақил экспертизаси махсус хизматлар террорчилик ҳужумларини бартараф этиш учун мамлакат интернет-фойдаланувчиларининг махфий маълумотларини оммавий равишда тутиш, йиғиш ва сақлашни амалга оширишлари кераклигини кўрсатди.

Тадқиқотни мамлакат бош вазири Тереза Мэй қўллаб-қувватлаган.

"Бу ваколатлар махсус хизматларимиз Буюк Британия аҳолисини биз учраётган таҳдидлардан ҳимоялашида ёрдам берадиган ягона усул ҳисобланади", деб айтди Мэй.

Мутахассис Дэвид Андерсон томонидан тайёрланган маърузада маълумотларни оммавий йиғиш махсус хизматлар учун зарур маълумотни олишдаги ягона усул ҳисобланиши таъкидланган. Мэйнинг таъкидлашича, Андерсоннинг тадқиқоти британ ҳуқуқ-тартибот муассасаларига махсус ваколатларни тақдим қилишнинг мақсадга мувофиқлигини исботлайди.