Франциянинг Тулузасида гамбиялик ноқонуний муҳожир депортацияга тушмаслик учун паспортини еб қўйди. Бу ҳақида La Depeche маълум қилди. 

Манбага кўра, 34 ёшли Бубакар Франциядан бошпана излаган, бироқ бунинг ўрнига ҳибсга олиниб, депортация учун Тулуза аэропортига етказилган. Муҳожир шу қадар уйига қайтгиси келмаганидан, чегара назоратидан ўтаётган вақтда ҳужжатларни кўрсатиш сўралганда паспортидаги маълумотлар берилган саҳифаларни йиртиб, уларни ютиб юборган. 

Шундан сўнг у полиция ходимлари билан зиддиятга борган ва бунинг натижасида ҳаво кемаси капитани уни бортга чиқаришга изн бермаган. Бубакар икки ойлик қамоқ жазосига ҳукм қилинди. Жазо муддати ниҳосига етгач, у барибир Гамбияга депортация қилиниши керак бўлади.