Республикачи Дональд Трамп АҚШ президенти лавозимига сайловларда ўзининг рақиби  Хиллари Клинтонни Германия канцлери Ангела Меркелга қиёслади ҳамда Меркель вақтида Германияда кўплаб муаммолар пайдо бўлганини таъкидлаб ўтди.   

"Хиллари Клинтон америкалик Ангела Меркель бўлмоқчи. Биз бу Германияга кўплаб муаммолар яратганини кўрмоқдамиз", деб айтди Трамп ва жумладан Германияда жиноятчилик даражаси ошганини эслатиб ўтди. 

Трамп "АҚШда шундоқ ҳам муаммолар кўп ва улар янада кўпроқ бўлишини истамаймиз", деб қўшимча қилди. 

Трамп бу фикрларини Шимолий Каролина штатидаги тарафдорлари олдида айтиб ўтди. У, шунингдек, "аёллар, афроамерикаликлар ва турли дин вакилларининг ҳуқуқларини таҳқирловчи шахслар АҚШга кирмаслиги кераклигини" яна бир қайтариб ўтди. 

Трамп, шунингдек, сайловларда ғалаба қозонса, ўз маъмуриятидаги юқори лавозимдаги амалдорларга турли корпорациялар билан алоқада бўлишни тақиқлашга ваъда берди.