АҚШ президентлигига Республикачилар партиясидан номзод Дональд Трамп ўзининг кескин изоҳлари учун узр сўради. Бу ҳақида Associated Press маълум қилди. 

У айтган сўзлари кимгадир оғир ботган бўлса, бундан афсусда эканлигини билдирди. 

"Баъзан мунозара жазавасида керакли сўзларни топа олмайсиз, нотўғри сўзлар оғзингиздан чиқиб кетади. Мен ҳам шундай қилганман. Ишонасизми йўқми, бундан ўзим афсусланаман, айниқса, гапларим кимгадир оғир ботган бўлса", - деди у. 

Бундан ташқари, Трамп "доим ҳақиқатни гапириш"га ваъда берган. 

Манбага кўра, миллиардернинг бундай чиқиш қилиши унинг нуфузи пасайиши билан боғлиқ.