Бугун, 20 август, XXXI ёзги олимпия ўйинларида ўн бешинчи кун. Миллий олимпия қўмитаси Бразилияда бўлиб ўтаётган Олимпия ўйинларининг 20 августдаги чиқишлари жадвалини эълон қилди.

Байдарка ва каноэда эшкак эшиш

С2 1000 метр финал баҳсида ўзбекистонлик спортчилар Кочнев Герасим ва Мирбеков Серик беллашувларга киришади. Баҳслар Тошкент вақти билан 16:20да бошланади.

Бадиий гимнастика

Гуруҳ босқичининг саралаш баҳсида ўзбекистонлик спортчилардан Давидова Валерия, Амирова Самира, Растобурова Марта, Қурбонова Зарина, Ганиева Луиза иштирок этади. Беллашув Тошкент вақти билан 18:00-01:00 (21 август) бўлиб ўтади.

Таэквондо WTF

Спортнинг ушбу турида +80 кг вазн тоифасида Шокин Дмитрий хитойлик спортчи Киао Сен билан куч синашади. Учрашув Тошкент вақти билан 18:45да бўлиб ўтади.

Бокс

75 кг вазн тоифасида Ўзбекистон боксчиси Бектемир Мелиқўзиев финал учрашувида кубалик спортчи Лопез Арлен билан рингга кўтарилади. Баҳс Тошкент вақти билан 23:00-23:30да ўтказилади.

Енгил атлетика

Баландликка сакраш финал баҳсида ўзбекистонлик енгил атлетикачи Радзивил Светлана беллашувларга киришади. Ушбу баҳслар Тошкент вақти билан 04:30да (21 август) ўтказилади.