09:40 / 20.08.2016
13197

Xitoyda general o‘z joniga qasd qildi

Foto: EPA

Xitoy Xalq-ozodlik armiyasi general-mayori, 54 yoshli Chen Tsze Xitoyning Shenchjen shahrida o‘z joniga qasd qildi. Bu haqda South China Morning Post gazetasi o‘z manbalariga iqtibos keltirgan holda xabar berdi

Siyosiy komissar lavozimini egallagan Chen Tsze armiyada jadal karera qilgan. U mansab pillapoyasining keyingi bosqichiga ko‘tirilishidan bir kun avval hayotdan ko‘z yumdi. Ta'kidlanishicha, u 20 avgustda dafn qilinadi.

Bu holat hafta ichida yuqori lavozimdagi xitoylik harbiy o‘z joniga qasd qilgan uchinchi holat bo‘ldi. Kuzatuvchilar bu voqealarni aksilkorruptsion tergovlar bilan bog‘lashmoqda.

Chen Tsze 1997 yilda Gonkongning Xitoy suvereniteti ostiga o‘tkazilishi bilan bog‘liq tadbirlarni tashkillashtirishda ishtirok etgan.

Mavzuga oid
Top