Ҳиндистон президенти Кашмир мухолифати билан учрашди

Жаҳон 20 Август 2016 5858
Фото: © AFP

Ҳиндистон президенти Пранаб Кумар Мукержи бир ярим ойдан бери тартибсизликлар давом этаётган Жамму ва Кашмир штати парламенти мухолифати делегацияси билан учрашди. Бу ҳақда президентнинг ўзи твиттерда маълум қилди. 

Мухолифат делегацияси раҳбари, штатнинг собиқ бош вазири Умар Абдулла учрашувдан кейин ҳудуддаги вазиятни тартибга солиш учун барча манфаатдор томонлар билан суҳбат ўтказиш зарурлигини айтди.

"Жамму ва Кашмир сиёсий муаммо, уни маъмурий йўллар билан ҳал қилиб бўлмайди", деб айтди учрашувдан кейин Абдулла. 

Абдулла шунингдек Ҳиндистон қуруқликдаги қўшинларининг Шимолий қўмондонлиги бошлиғи генерал-лейтенант Д.С. Худанинг штатдаги кескинликни камайтириш учун "барчанинг орқага чекиниб, музокаралар столи атрофига ўтириши лозимлиги" ҳақидаги сўзларини таъкидлаб ўтди.

Худа бу ҳақда 17 августда ҳарбийлар Пулвама округидаги рейд давомида мактаб ўқитувчисини ўлдирганларидан кейин айтди. Генерал эркак ўқитувчи ҳарбийлар қўлидан ўлганини тан олган. У рейдлар берухсат ўтказилгани ва ушбу ҳолат тергов қилинишини айтган. 

Кашмир водийсида орммавий тартибсизликлар Ҳиндистонда террорчилик ташкилоти деб тан олинган "Хизб-ул-Мужаҳидин" гуруҳи фаоли, 22 ёшли Бурҳон Музаффар Ваний йўқ қилинганидан кейин бошланган. Ихтилоф давомида 66 киши, жумладан 2 полициячи ҳалок бўлган, деярли 8 минг киши яраланган.

Жамму ва Кашмир штати кўпчилик аҳолиси мусулмонлар ҳисобланувчи Ҳиндистондаги ягона штат бўлиб, бу ерда мустақиллик ёки Покистонга қўшилиш тарафдорлари бўлган айирмачилар ҳаракат қилади. Шу билан бирга Кашмирда Ҳиндистон ва Покистон ўртасида расмий чегара йўқ, икки давлат армиясини фақатгина назорат чизиғи ажратиб туради.

 

Кун янгиликлари
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 47796 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 7810 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 18919 Ўзбекистон
Тошкентда Осиё-Океания кураш конфедерациясининг 1-конгресси бўлиб ўтади
19:45 12 Спорт
Фавқулодда вазиятлар ҳақида хабар бериш тизими модернизация қилинади
Шавкат Мирзиёев: Ўқувчилар бир хил форма кийиши керак
19:35 241 Жамият
180 млн сўмлик адёлларни божхона назоратидан яширишга уринган шахслар фош этилди
19:30 212 Жамият
Alibaba’нинг соф даромади икки маротабага ошди
Испаниядаги терактларда 34 мамлакат фуқароси ҳалок бўлди ва жабрланди
19:15 1078 Жаҳон
Лицей ўқитувчилари тест ва суҳбатдан сўнг ишга қабул қилинади
Кўпроқ янгиликлар