АҚШнинг Сурия ва Ироқдаги қўшинларининг янги қўмондони Стивен Таунсенд Москва ва Дамашқни АҚШнинг Сурия шимолида жойлашган махсус қўшинларига ҳужумлар қилинадиган бўлса, улар ҳимоя қилинишларидан огоҳлантирди. Бу ҳақда CNN маълум қилди.

"Биз россиялик ҳарбийларни қаерда жойлашганимиздан хабардор қилдик. Улар бизга Сурияни бундан хабардор қилганларини айтишди. Мен шуни айтмоқчиман, агар биз хавф сезсак, ҳимояланамиз", деб айтди Таунсенд телеканалга телефон орқали берган интервьюсида.   

Таунсенд суҳбат давомида ИШИД террорчилик гуруҳи кейинги йилда яксон қилиниши мумкинлигини айтди, бироқ бу режалар жуда баландпарвоз эшитилиши мумкинлигини тан олди.

20 августда АҚШ самолёти Суриянинг шимолида иккита Сурия самолётини тақиб қилиб, уларни ҳудудни тарк этишга мажбур қилди. Пентагонда бу ҳолатни Сурия авиацияси курд позицияларига зарба берган Ал-Хасаки шаҳрида АҚШ бошчилик қилаётган халқаро коалиция махсус қўшинлари бўлгани билан тушунтирди.  

Сурия қўмондонлиги курдлар позицияларига зарба берилишини уларнинг Ал-Хасакадаги армияга ҳужум қилиш ва шаҳарни эгаллаб олишга уринишига жавоб бўлганини айтган.

Баъзи мутахассисларнинг фикрича, АҚШ Сурия армиясининг Ҳалабда жангариларга қарши ҳаракатларини кучсизлантириш учун курдларни Ал-Хасакада иғвогарлик қилишга туртмоқда.   

Россия ва Сурия айни вақтда Ҳалабда биргаликдаги гуманитар операция ўтказмоқда ва террорчилар томонидан эгалланган ҳудудлардан аҳолини олиб чиқиб кетиш учун бир неча коридорлар очди. Россия, шунингдек, Башар Асад ҳукумати илтимоси билан ИШИД позицияларига зарбалар бермоқда.