Шимолий Корея ҳарбийлари, Корея Республикаси ва АҚШ томонидан ўтказилаётган Ulji Freedom Guardian (UFG) қўшма ҳарбий машғулотлари чоғида Пхеньянга бевосита таҳдид солинадиган бўлса, жанубий кореяликлар ва америкаликларнинг кулини кўкка совуришини таъкидлашмоқда. Бу ҳақда, КХДР халқ армияси Бош штаби баёнотида сўз юритилган

Ulji Freedom Guardian ҳарбий машғулотлари 22-августдан сентябрь бошига қадар давом этади. КХДРга кўра, уларнинг мақсади — Шимолий Корея ҳудудига кутилмаганда зарба бериб, унинг ҳудудини босиб олишдан иборат. 

Корея халқ армияси Бош штаби маълумотларига кўра, машғулотларда Американинг B-52H, B-1И, B-2A русумли бомбардимончи самолётлари ҳам қатнашмоқда.

Расмий Сеул томонининг фикрича, КХДР Лондон ва Москвадаги шимолий кореялик дипломатларининг Жанубий Кореяга қочиб ўтаётгани боис, қасддан фитна чиқариши ҳам мумкин. 

Ёнхап агентлигига кўра, Жанубий Корея ҳукумати "барча фуқароларни фитналарга тайёр туришга ва талаб қилинса ҳукумат билан ҳамкорлик қилишга чақирмоқда".

Эслатиб ўтамиз, Шимолий Корея август ойи бошларида навбатдаги баллистик ракета синовини ўтказган эди. У, Япония иқтисодий ҳудудига етган эди. Пхеньяннинг уқдиришича, АҚШ томонидан ядровий таҳдидга барҳам берилмас экан, янги қуролни ишлаб чиқариш тўхтатилмайди.