Пингвинга Норвегия гвардияси генерали унвони берилди (Видео)

Жамият 22 Август 2016 9846
Фото: © AFP

Эдинбург ҳайвонот боғидаги қирол пингвин Норвегия Қироллик гвардиясининг бригада генерали бўлди. Эдинбургда бўлиб ўтган тантанали маросимда пингвинга шундай юксак мақом топширилди. Бу ҳақида ВВС маълум қилди. 

Пингвинга Нильс Улаф дея ном берилган. Эдинбург қироллик парадининг иштирокчилари пингвинга ҳурмат бажо келтиришди, парад бошқарувчиси Дэвид Элфрей эса уни лавозими кўтарилиши муносабати билан табриклади. 

Бу Норвегия Қироллик гвардиясида хизмат қилувчи ва у ерда унвонга эга бўлувчи учинчи пингвиндир. Унвонга қадар Нильс Улаф гвардиянинг фахрий полковниги ва рамзи бўлган. Бундан ташқари, 2008 йилда у рицарликка қабул қилинган.

Манбага кўра, пингвин ҳарбий хизматчиларни таний олади ва уларни кўрганида доим қувонади, эътибор марказида бўлганда эса ҳузурланади. Журналистларнинг таъкидлашича, назорат пайтида Нильс сафдаги гвардиячиларни диққат билан текширади. 

Норвегия Эдинбург ҳайвонот боғига биринчи қироллик пингвини 1913 йилда совға қилинган. 1972 йилдан Эдинбург ҳайвонот боғининг пингвинлари Норвегия Қироллик гвардиясининг рамзига айланади. Гвардия ҳар сафар ҳайвонот боғига келганида пингвинларга ҳарбий унвонлар берилади. 

Гвардия рамзи бўлган пингвин анъанага кўра, Нильс Улаф деб номланади. Ушбу анъанани бошлаб берган Нильс Эгелиен шарафига пингвинларга шундай исм берилади.  Улаф эса, Норвегия қироли - Улаф V номидан олинган.  

Биринчи Нильс Улаф 1987 йилда гвардия сержанти сифатида ҳаётдан кўз юмган. Кейин иккинчи Нильс Улаф тайинланган, ундан сўнг учинчиси...Ҳар бир пингвин аввалгиси қайси унвонда жон берган бўлса, ўша унвонда хизматни бошлаган. Айнан шу сабаб ҳозирги Нильс Улаф бригада генерали даражасигача кўтарилишга муваффақ бўлган. 

Кун янгиликлари
Ўзбекистон ҳафта ичида: Остона сафари, Қўқондаги фожиалар, ўзбек футболи атрофидаги маш-машалар
21:25 / 25.03.2017 40299 Жаҳон
Қўқон фожиаси: яна бир киши ҳаётдан кўз юмди
21:09 / 25.03.2017 79930 Жамият
Ливия соҳиллари яқинида мингдан кўпроқ муҳожир қутқариб қолинди
21:33 77 Жаҳон
Ҳонгконг: Кэрри Лам бошқарувдаги илк аёл
21:33 125 Жаҳон
Россия - Алексей Навальний - аксилкоррупция намойишлари
21:11 938 Жаҳон
Хитойда сунъий интеллект орқали бошқарилувчи озиқ-овқат дўкони очилди
Италияда юк машинаси йўл ишчиларини уриб юбориши оқибатида 2 киши ҳалок бўлди
21:01 326 Жаҳон
27 март куни Ўзбекистонда қандай об-ҳаво кузатилади?
АҚШнинг собиқ вице-президенти Трампдан кўра президент бўлишга лойиқроқ бўлганини айтди
20:18 1633 Жаҳон
Фоторепортаж: Россияда коррупцияга қарши намойишлар бўлиб ўтмоқда
20:09 4523 Жаҳон
Кўпроқ янгиликлар