Покистон қуролли кучлари Афғонистон билан чегара яқинида "Толибон" жангариларига қарши амалиётлар ўтказишга киришди. Бу ҳақда Reuters агентлиги хабар берган.

Қуруқликдаги қўшинларни ҳаводан ҲҲК самолётлари қўллаб-қувватлаб бормоқда. Асосий жанглар Ражгал водийсида, Асирлар ери деб аталувчи ҳудудда бўлиб ўтмоқда.

Аввалига Хайбардаги тўқнашувлар вақтида 15 жангари йўқ қилингани ҳақида хабар берганди, кейинчалик бу рақам 31тага етган.

Reuters агентлигининг қайд этишича, аниқ сонларни билишнинг имкони йўқ, ҳудудга кириш йўллари ёпиб қўйилган.

Исломободдагиларнинг фикрича, бу ҳужум "Толибон"нинг Покистондаги бўлимини бутунлай йўқ қилиш билан якунланади. Бундан аввалроқ покистонлик ҳарбийлар "Зарб-э-Азб", "Хайбар-1" ва "Хайбар-2" номли амалиётлар ҳам ўтказилганди. Бу амалиётлар орқали йўқ қилинган жангариларнинг умумий сони 2,7 минг нафардан ортган.

Покистондаги "Толибон" - 2007 йилда ташкил қилинган террористик ташкилот бўлиб, бу ташкилот жангарилари 2014 йилнинг 14 декабрида Пешавордаги мактабга қилинган ва 145 кишининг ўлимига (асосан мактаб ўқувчилари) ҳужумдан кейин ҳукумат таъқибига учради.