АҚШнинг янги элчиси Украина халқига видеомурожаат йўллади

Жаҳон 23 Август 2016 5355

АҚШнинг Украинадаги янги элчиси Мари Йованович украиналикларга видеомурожаат йўллади. Видео дипломатик миссиянинг YouTube-каналида намойиш этилди.

"Украинага қайтаётганимдан жуда хурсандман. У ерда яшаш ва ишлаш менга жуда ёқар эди. Итим билан мамлакат бўйлаб саёҳат қилиш, эски қадрдонлар билан учрашиш ва янгилари билан танишишни, ҳақиқий вареникларни ейишни интиқлик билан кутяпман", - дейди Йованович. 

Дипломат аёлнинг маълум қилишича, у Украинада 88 ёшли онаси билан бирга яшайди. 

Бундан ташқари янги элчи Украинанинг сўнгги икки йилдаги ютуқларига тўхталиб ўтди. "Бироқ ҳали кўп иш қилиш керак. Умид қиламанки, Украинани қўллаб-қувватлаш учун сизлар билан ҳамжиҳатликда ҳаракат қиламиз. Украинага шон-шарафлар бўлсин!", - дея ўз сўзларига якун ясади Йованович. 

АҚШ президенти Барак Обама 2016 йилнинг май ойида Йовановични элчи лавозимига таклиф қилди. Июль ойида Сенат унинг номзодини тасдиқлади. У 2013 йилнинг августидан Украинада элчи лавозимида фаолият олиб борган Жеффри Пайеттнинг ўрнини эгаллайди. 

Йованович бунга қадар Қирғизистон ва Арманистондаги дипломатик миссияларни бошқарган. Украина ОАВнинг маълумотларига кўра, дипломатнинг Киевга юборилишига унинг 2001-2004 йилларда бу мамлакатда миссия раҳбари ўринбосари лавозимида ишлагани сабаб бўлган. У рус тилида эркин гаплаша олади. 

Мари Йованович 1958 йилда Канадада таваллуд топган. Унинг оиласи Мари 3 ёшлигида Америкага кўчиб келган. 

Кун янгиликлари
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 39705 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 44826 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 6631 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 18102 Ўзбекистон
Шавкат Мирзиёев Бекободда мўъжаз шаҳарча барпо этиш бўйича кўрсатмалар берди
Ногиронлик ва мазлумлик исканжасида: бир аёл яхшилар саховатидан умидвор 
15:55 250 Жамият
Кун фотоси: Шавкат Мирзиёев Бекободдаги боғчалардан бирида
Халқ таълим вазири: Бор далага, деса, далага чопқиллаб чиқиб кетавермайди-ку?!
15:45 795 Жамият
Тошкентда «Тозалаш-антитеррор» тадбири доирасида 90 киши қўлга олинди
15:40 2143 Жамият
Шавкат Мирзиёев Бекобод шаҳри фаоллари билан учрашди
Кўпроқ янгиликлар