Рио-де-Жанейро Олимпиадасига лангарчўп билан сакраш бўйича мусобақаларда иштирок этиш учун келган америкалик спортчи, шу билан бирга захирадаги офицер ҳисобланадиган Сэм Кендрикс машқ вақтида АҚШ мадҳиясини эшитиб, югуришдан тўхтади ҳамда мадҳия тугагунича жойида қотиб турди.

У мусобақага тайёргарлик кўриш чоғида сакраш учун лангарчўп билан югуриб келаётган вақтида мамлакат мадҳияси янграб қолган. Шунда спортчи кескинлик билан тўхтаган ва ўз мамлакати байроғини кўзлари билан қидирган, уни топгач эса тик турган ҳолда мадҳияни охиригача тинглаган.