Бразилия президенти лавозимидан вақтинчалик четлатилган Дилма Руссефф истеъфога ўз ихтиёрича кетмаслигини маълум қилди.   
  
"Менда истеъфога кетишга заррача истак йўқ. Мен сиёсий рақибларимга бундай совға қилмайман", деб айтди Руссефф.

Аввалроқ Руссефф ўз мандатини сақлаб қолишга курашишини айтганди. "Мени ўз ихтиёримча лавозимимдан кетиш ҳақида сўрашди, кўндиришга ҳаракат қилишди ва ҳаттоки босим ўтказишди. Бироқ мен буни ҳеч қачон қилмайман, биласизми нега? Чунки менга халқ 54 млн овоз берган", деб айтганди Руссефф Сан-Паулуда тарафдорлари билан учрашувда.

10 августда Бразилия парламенти юқори палатаси – Федерал сенат Руссефнинг импичменти жараёни давом эттирилиши учун овоз берганди.

Импичментнинг якуний босқичи 25 августда бошланади.