Хитойнинг Autohome нашри Volkswagen компаниясининг 7 ўринли кроссоверига тегишли жосуслик суратларини намойиш этди. Тахминларга кўра, у Teramont деб номланиши мумкин. Автомобилнинг расмий тақдимоти ноябрь ойида Лос-Анжелес шаҳрида бўлиб ўтадиган автокўргазмада ташкил этилади. 

Суратлардан кўриш мумкинки, Volkswagen Teramont 2013-йили Детройт автошоусида намойиш этилган CrossBlue концепт йўлтанламаси услубида ишлаб чиқилади. Унинг ички кўриниши иккинчи авлод Tiguan кроссовериникига ўхшайди. 

Кроссовер MQB платформасининг узунроқ намунаси негизида ишлаб чиқилади. Унга бензинли ва дизелли 4 цилиндрли ҳамда 6 цилиндрли моторлар ўрнатилади. 

Бундан аввалроқ, Германия автомобилсозлик компанияси яна битта 7 ўриндиқли машинани ишлаб чиқариш имкониятини муҳокама этаётгани хабар қилинган эди. Уни янгиланган Аmarok пикапи платформасида барпо этиш режалаштирилган. Тахминларга кўра, 2 йиллардан кейин пайдо бўладиган янги йўлтанламасга 3 литрли V6 дизел мотори ўрнатилади.