Андижонда паралимпиячиларни кузатиш маросими ўтказилди

Спорт 24 Август 2016 8203

Ўзбекистон Олимпия терма жамоаси Бразилиянинг Рио-де-Жанейро шаҳрида ўтказилган XXXI ёзги Олимпиада ўйинларидан ёруғ юз билан қайтишди. Энди навбат – XV Паралимпия ўйинларига.

Мусобақалар дастуридаги енгил атлетика бўйича Ўзбекистон шарафини ҳимоя қилувчи жамоа сўнгги тайёргарлик машғулотларини Андижондаги спорт мажмуаларида ўтказди.

23 август куни Андижон Олимпия захиралари коллежи манежида  жамоанинг «Рио-2016»га  жўнаб кетиши олдидан кузатиш маросими бўлиб ўтди. Анжуман иштирокчиларини вилоят ҳокими Шуҳратбек Абдураҳмонов қизғин муборакбод этиб, республика олимпиадачиларининг Бразилияда қўлга киритган ажойиб ютуғи ҳақида фахр билан сўзлади ва  паралимпиячиларнинг ҳам катта ғалабаларга эришишига ишонч билдирди.

Паралимпия ўйинларида Ўзбекистон шарафини ҳимоя қилувчи енгил атлетикачилар ва уларнинг мураббийларига  қимматбаҳо совғалар топширилди.

Кореяда ўтказилган ПараОсиё ўйинлари ғолиби ва рекордчиси, халқаро тоифадаги спорт устаси, андижонлик Мавлон Ҳайдаров, фарғоналик Дилафруз Аҳмаджонова Рио-де-Жанейродан медаллар билан қайтишга сўз беришди. Енгил атлетика бўйича республика ногирон спортчилар терма жамоаси бош мураббийи Сардор  Абдураҳмонов сўнги машқлар Андижонда муваффақиятли ўтгани учун  миннатдорлик билдирди.

"Андижонда ўтказилган йиғин чоғида вилоят ҳокимлигининг доимий эътиборини яқиндан ҳис этиб турдик.  Андижонлик олимпиадачиларнинг «Рио-2016»даги оламшумул ютуқлари кўп жиҳатдан  ана шундай эътиборнинг меваси эканини айтиб ўтиш жоиз", – деган у.

Элмурод Эрматов, Андижон

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 22705 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 49233 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 62976 Жамият
CNN: Трампнинг маслаҳатчиси Путин билан учрашув уюштиришга ҳаракат қилган
09:58 62 Жаҳон
ЕЧЛ. Қуръадан олдин барча иштирокчилар номи ва саватчалар таркиби
09:57 155 Спорт
АҚШ янги ядровий қанотли ракета яратишга буюртма берди
09:40 465 Жаҳон
ОАВ: Россия ва Миср ўртасидаги авиаалоқа 2017 йилда тикланмайди
09:37 257 Жаҳон
Ўзбекистонда якка тартибдаги тадбиркорларнинг банкротлик жараёни жорий этилади
Мексиканинг биринчи электромобили ноябрь ойида пайдо бўлади
Вайронкор “Хато” тўфони Жанубий Хитойда 12 кишининг умрига зомин бўлди
09:25 530 Жаҳон
Кўпроқ янгиликлар