Cannaccord Genuity компанияси ўзи ўтказган тадқиқот натижасини эълон қилди. Унга кўра, Apple ва Samsung — смартфон ишлаб чиқарувчилари орасида ўз маҳсулотларидан сезиларли фойда олаётган компаниялардир, деб хабар қилмоқда TheNextWeb.

Мутахассисларнинг ҳисоб-китобларига кўра, Apple компанияси ўзининг смартфонлар бўлимидан 38 фоиз даромад кўрса, Samsung компаниясининг бу борадаги кўрсаткичи 17 фоизни ташкил этади. Учинчи ўринда Хитойнинг TCL ишлаб чиқарувчиси жойлашган бўлиб, унинг смартфонлардан оладиган даромади 2 фоиздир. 

Бошқа барча компаниялар жорий йилнинг иккинчи чорагида смартфонлар ишлаб чиқариш ва сотишдан зарар кўрган. Аксилрейтингда 22 фоизлик кўрсаткич билан Microsoft ва HTC етакчилик қилган бўлса, уларни таъқиб қилаётган Lenovo ва LG компаниялари 10 ва 5 фоиз зарар кўраётгани таъкидланади. Канаданинг Blackberry компанияси 3 фоиз йўқотаётган бўлса, Sony фойда ҳам, зарар ҳам кўрмаган.