Сукунат мияга қандай таъсир кўрсатади

Lifestyle 24 Август 2016 22047

Баъзи тадқиқотлар натижасига кўра, бир кун мобайнида сокин шароитда бўлиш инсон салоҳиятининг очилишига туртки бўлар экан: сукунат хотирани фаоллаштиради, маълумотни таҳлил қилишга ёрдам беради ва ҳаттоки мия ҳужайралари ўсишини рағбатлантиради. 

Маълумотларга кўра, баланд товушлар мия ва танага салбий таъсир кўрсатади. Тадқиқотлар шовқиннинг қон босими ошиши, уйқу жараёнининг бузилиши ва юрак касалликларини келтириб чиқаришини аниқлашди. 

Nautilus нашридан Дэниел Гросс сукунатнинг инсон миясига ижобий таъсир кўрсатишига доир батафсил изоҳ берди. У мусиқа товуши ва бошқа шовқин товушлари бўйича бир неча тадқиқотларни тўплаб, қизиқ натижаларга эга бўлди.

Қуйида сукунатнинг уч устувор томони ҳақида маълумот берамиз. 

Миянинг янги ҳужайралари ўсиши

Дьюк Университетидан регенератив биолог Имке Кирсте бир гуруҳ сичқонларни турли шовқин товушлари таъсирига тушириб, сукунатни назорат омили сифатида қўллашни режалаштирган. 

Бироқ сичқонлар икки соат сокин муҳитда сақланганидан кейин уларнинг гиппокампида янги ҳужайралар пайдо бўлиши аниқланди. Миянинг бу бўлими ҳис-туйғулар шаклланишида ва ахборотнинг қисқа муддатли хотирадан узоқ муддатлисига ўтишида иштирок этади. 

“Биз сукунатнинг янги ҳосил бўлган ҳужайраларга тизимга интеграциялашишига ҳақиқатда ёрдам беришини аниқладик”

Имке Кирсте, регенератив биолог

Хотирани фаоллаштириш

Атрофда “тиқ” этган товуш бўлмаса-да, бизнинг миямиз ҳаддан зиёд ҳушёр. Масалан, севимли қўшиғингизни тинглаяпсиз ва кутилмаганда у узилиб қолди. Агар сиз қўшиқнинг куйи ва сўзларини яхши билсангиз, у миянгизда жаранглашда давом этади. 

Мия хотирадан таниш оҳанглар ва матнни топиб, худди қўшиқ давом этаётгандек тасаввур қолдиради. Nautilus саҳифаларида берилган маълумотларга кўра, бу ҳолат бош миянинг эшитув қобиғи изчил ишлашда давом этиши билан изоҳланади. Ҳаттоки қулоқларингизга ҳеч қандай товуш бормаса-да, мия ҳар доим фаол қолишнинг йўлини топади. 

Рефлексияни рағбатлантириш

Мия ташқи таъсирларга дуч келмаса ҳам, у диққатни жамлашни тўхтатиб, “саралаш тартиби”га ўтади. Бу у бутунлай ўчади дегани эмас. Аксинча. Хотиржам ҳолатдаги мия маълумот тўплайди ва уни қайта ишлайди. Бу рефлексия, деб аталади.

Ташқи товуш қўзғатувчилари мияни эшитишга мажбурлайди. Атроф жимжит бўлса, миямиз ичимизда содир бўлаётган нарсаларга қулоқ тутишга мажбур бўлар экан.

Кун янгиликлари
Қўшимча-контракт асосида ўқишни истайдиганлар нима қилиши керак?
11:30 / 18.08.2017 49224 Ўзбекистон
Судьянинг нохолислиги ёки давлат телеканалининг “шохи” борми?
19:21 / 17.08.2017 102930 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 52879 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9831 Lifestyle
Цукерберглар оиласида иккинчи фарзанд дунёга келди
08:39 217 Жаҳон
АҚШ ИШИДни мағлуб қилгандан кейин Сурияни тарк этишга ваъда берди 
08:05 1423 Жаҳон
Барселонадаги терактга алоқадор бўлган барча террорчилар йўқ қилинди
07:52 1181 Жаҳон
Олий лига. «Локомотив» ғалаба қозонди, «Насаф» «Бунёдкор»га ютқазди
07:43 1126 Спорт
Трампни руҳшунос текширувига юбориш таклиф этилди
07:32 2469 Жаҳон
Яшнободда автомашина эшигини сих орқали очиб, 1500 долларни ўмарган шахс ушланди
02:51 2401 Жамият
Кўпроқ янгиликлар