Хитой оғир атлетика уюшмаси Хитойни Олимпиада ўйинларида тақдим қилувчи спортчиларда допинг ҳолатлари такрорланаётгани сабабли бир йилга мусобақалардан дисквалификация қилиниши мумкин. Бу ҳақда Халқаро оғир атлетика федерациясига (IWF) иқтибос келтирган ҳолда АП хабар бермоқда. 

Аввалроқ 2008 йилги Пекиндаги Олимпиадада олинган допинг-намуналари қайта текширишлардан кейин ижобий натижа берган оғир атлетикачиларнинг умумий сони 25 га етгани, улардан 7 та давлатдан бўлган 16 нафари медаллар соҳиблари эканлиги маълум бўлганди. Улар орасида шунингдек уч нафар хитойлик спортчи: Лю Чуньхун, Цао Лэй ва Чень Сеся бўлган. Бу спортчиларнинг барчалари Пекин Олимпиадасининг олтин медалларини қўлга киритганлар.

Хитой ҳозирда дунё оғир атлетикасида етакчилик қилмоқда. Хитойлик оғир атлетикачилар Риодаги Олимпиадада 7 та медаль, жумладан 5 та олтин медаль қўлга киритдилар.

IWF ижроия қўмитаси 22 июнда бирор бир мамлакат федерациясининг 2008 ва 2012 йилги Олимпиадада допинг-намуналари ижобий натижа берган спортчилари сони 3 ёки ундан кўпроқ бўлса, бу федерациялар бир йилга дисквалифиция қилиниши ҳақидаги қарорни қабул қилган. Шу тариқа Хитой оғир атлетика уюшмасидан ташқари, яна 6 та давлат, жумладан, Озарбайжон, Туркия ва Украина оғир атлетика федерациялари мусобақалардан четлатилиши мумкин.