Хитойда энг янги Samsung Galaxy Note 7 флагман смартфонининг илк харидорларидан бири маълум қилишича, қурилма зарядлаш ускунасига уланганда портлаб кетган. Смартфон эгаси зиён етган гаджетининг суратларини ўзининг Baidu'даги саҳифасида намойиш қилди.

Суратларга кўра, портлашга смартфон соҳибининг Samsung оригинал зарядлаш ускунасидан эмас, бошқасидан фойдалангани сабаб бўлган. 

Бундан аввал британиялик велосипедчи Гарет Клирнинг орқа чўнтагида iPhone 6 қурилмаси портлаб кетгани тўғрисида хабар тарқалганди, шундан сўнг жабрланувчига тери кўчириб ўтказишга тўғри келган. 

Худди шундай воқеа ҳиндистонлик Ажай Ражи Неги билан ҳам содир бўлган. У ўзининг фейсбукида Xiaomi Mi4i смартфонининг кутилмаганда қўлида портлаб кетганидан жабрлангани ҳақида маълум қилганди.