АҚШ президентлиги учун номзодлар Дональд Трамп ва Ҳиллари Клинтон вакиллари Оқ уйда ташкил этилган брифингда иштирок этишди. Йиғилиш, Барак Обама раҳбарлигидаги маъмурият ишларини қабул қилиш жараёнига бағишланди, дейилади Оқ уй матбуот хизмати тарқатган хабарномада. 

"25-августда бўлиб ўтган йиғилишда Трамп вакили, Нью-Жерси губернатори Крис Кристи ва Клинтон томонидан собиқ ички ишлар вазири Кен Салазар иштирок этди, - дейилади хабарда. – АҚШ маъмурияти шошиб қолмаслик учун шундай йўл тутишни маъқул кўрмоқда".

Салазар ва Кристи Оқ уй ходимлари раҳбари Денис Макдоноу билан  ҳокимиятнинг сайланган президентга силлиқ ўтишини таъминлаш, турли кутилмаган ҳодисаларга шай туришлик ҳамда ҳукумат ходимларини ўзгартириш масалаларини муҳокама этишган.