Россия пойтахти Москвада РФ ва Японияда тинчлик шартномасини имзолашга қаратилган музокараларнинг учинчи давраси бўлиб ўтди, деб хабар қилмоқда Россия ТИВ. 

«Россия делегациясига ташқи ишлар вазири ўринбосари Игорь Моргулов, Япония делегациясига мамлакат ҳукуматининг Россия билан алоқалар бўйича вакили Тикахито Харада раҳбарлик қилган», — дейилади хабарда. 

Ҳозирча, музокаралар натижаси ҳақида маълум қилинмаган. 

Таъкидланишича, янги музокаралар муддати дипломатик манбалар воситасида аниқланади. 

Аввалроқ, Россия ТИВ тинчлик шартномаси бўйича Япония билан амалий музокаралар ўтказишдан умид қилишини маълум қилган эди.